Фанфары для гасцей
Сёння ў Нацыянальным аэрапорце Мiнск, напэўна, будзе шматлюдна. Нагода, безумоўна, святочная — па раскладзе ў 16:50 у сталiцы прызямлiцца рэйс SU1842 Масква — Мiнск з аэрапорта Шарамецьева. Як паведамiлi ў прэс-службе «Аэрафлоту», палёты плануецца ажыццяўляць раз на тыдзень па суботах. Але з агаворкай: «па меры аднаўлення мiжнародных паветраных зносiн частата рэйсаў можа мяняцца».У Нацыянальным аэрапорце Мiнск вельмi чакаюць сённяшнi рэйс.
Паводле папярэдняй iнфармацыi, пасажыры прыляцяць на самалёце Airbus A330, якi ў залежнасцi ад мадэлi ўмяшчае ад 295 да 440 чалавек. Учора ранiцай на рэйс заставалася сем месцаў, я змагла паспяхова забранiраваць квiткi на сайце перавозчыка за 222 долары (578 рублёў па курсе Нацбанка). Дарэчы, яшчэ ў лiпенi наша Мiнiстэрства аховы здароўя выключыла Расiю са спiсу краiн, якiм для прылёту ў Беларусь патрэбны вынiкi ПЦР-даследавання, таму пасажыры самалёта змогуць без каранцiну i дадатковых дакументаў знаходзiцца ў нас.
У Нацыянальным аэрапорце Мiнск вельмi чакаюць сённяшнi рэйс, паведамiлi нам у прэс-службе. Таксама там выказалi надзею на больш хуткае аднаўленне ранейшай колькасцi палётаў, не толькi з Масквы, але i iншых расiйскiх гарадоў.
Тэставы рэйс
Назад борт вылецiць заўтра ж у 18:20 рэйсам SU1843 Мiнск — Масква i правядзе ў палёце да аэрапорта Шарамецьева 1 гадзiну 36 хвiлiн. Нам удалося забранiраваць квiток у эканомклас за 197 долараў (513 рублёў). Але не ўсё так проста: па прыбыццi ў суседнюю краiну трэба прад’явiць адмоўны вынiк лабараторнага даследавання на COVID-19 метадам ПЦР, выкананы не раней чым за 72 гадзiны да прызямлення на тэрыторыі Расii, а таксама самадэкларацыю пасажыра аб стане здароўя — форму можна знайсцi на сайце нашага аэрапорта. Дарэчы, вынiкi экспрэс-тэсцiравання на каронавiрус метадам IФА (тэст на антыцелы), якi праводзiцца ў лабараторыi на тэрыторыi аэрапорта, у Расii не прымуць. Як вядома, здаць аналiз можна платна ў некалькiх клiнiках i РНПЦ не толькi Мiнска, але i абласных гарадоў.Дарэчы, нацыянальны перавозчык «Белавiя» таксама неўзабаве адновiць палёты ў аэрапорт Дамадзедава — гэта адбудзецца ўжо 30 верасня. На сайце авiякампанii квiткоў у Маскву на гэтую дату ўжо няма, а вось на рэйс са сталiцы Расii свабодныя месцы засталiся толькi ў бiзнес-класе — яны прадаюцца за 1169 рублёў, палёт будзе выконвацца паветраным суднам Boeing 737-800.
glushko@sb.by