«Антытэрарыстычны комплекс» Алены ПАСАВЕЦ павінны зрабіць свет вакол нас больш бяспечным.
Тэхналагічная навінка Алены Пасавец павінна зрабіць свет вакол нас больш бяспечным. Дацэнт кафедры арганізацыі службы, нагляду і прававога забеспячэння УГА МНС дэманструе, як выглядае ўнікальны «Антытэрарыстычны комплекс» і тлумачыць:
— Колькасць тэрактаў у свеце пастаянна расце. Небяспека нам пагражае нашмат менш, чым у іншых краінах, але ўсё ж... Былі і ў нас трагедыі, той жа выбух на станцыі метро «Кастрычніцкая». Пасля гэтага мы сталі сур’ёзна думаць, як прадухіліць падобны жах.
Малады навуковец Аляксандр ЛУК'ЯНАЎ распрацаваў інавацыйны вогнеахоўны састаў.
— Да прыкладу, супрацоўнік метро знайшоў падазроны прадмет. Накрывае яго спецыяльным «каўпаком». Адразу блакіруецца радыёсігнал — выбуховае прыстасаванне ўжо нельга актываваць на адлегласці ў сто, дзвесце, пяцьсот метраў. Калі падазронае прыстасаванне ўсё ж такі выбухне, наступствы будуць мінімальныя.
Прамочваем тканіну растворам. Ён лакалізуе ачаг пажару і не дае распаўсюдзіцца агню.
...На «Шоу тэхналогій» конкурсу «100 ідэй для Беларусі» таксама прэзентуюць праект Аляксандра Лук’янава. Малады навуковец распрацаваў інавацыйны вогнеахоўны састаў. Ён лакалізуе ачаг пажару і не дае распаўсюдзіцца агню. Ці так гэта, правяраем у лабараторыі.
Ад запалкі тканіна імгненна загараецца і ўжо праз некалькі секунд шугае сінім полымем.
— Большасць пажараў адбываецца ў жылых памяшканнях. Агнём ахопліваюцца дываны, абіўка мяккай мэблі, гардзіны, адзенне або ўцяпляльнік, — распрацоўшчык кажа і падпальвае звычайную тканіну. Ад запалкі тая імгненна загараецца і ўжо праз некалькі секунд шугае сінім полымем. Для параўнання тое ж самае прарабляе з іншым узорам тэкстылю, які папярэдне прамачыў інавацыйным растворам. Вынік адрозніваецца кардынальна — тканіна ўсяго толькі абвуглілася, і агонь далей не пайшоў.
Спецыяльны састаў павінен абараняць поліэфірныя матэрыялы і рэчы на іх аснове. Раствор бяспечны для чалавека, нетаксічны і максімальна эфектыўны. А яшчэ — эканамічны.
— Падобныя растворы зараз закупляюцца ў Аўстрыі, Швейцарыі, у нямецкіх вытворцаў. Мы нацэлены на імпартазамяшчэнне. Нашай распрацоўкай ужо зацікавіліся прадпрыемствы лёгкай прамысловасці краіны, — Аляксандр Лук’янаў спадзяецца ўразіць гледачоў і журы.
У мінулым годзе распрацоўка Універсітэта грамадзянскай абароны МНС заваявала Гранпры конкурсу і атрымала важкую фінансавую падтрымку.
Дарэчы, у гэтым годзе навукоўцы-ратавальнікі на фінале «100 ідэй для Беларусі» прадставяць адразу чатыры інавацыі. На галоўны кірмаш маладзёжных ідэй краіны таксама атрымалі пуцёўку «Ствол пажарны ручны ўніверсальны камбінаваны «Вікінг» і «Праграмнае забеспячэнне «Мой бяспечны дом». Удзельнікі конкурсу разлічваюць на высокую ацэнку экспертаў. Дарэчы, у мінулым годзе распрацоўка Універсітэта грамадзянскай абароны МНС заваявала Гран-пры конкурсу і атрымала важкую фінансавую падтрымку.