У Беларусі створаны прататып новага вакцыннага прэпарата ад COVID-19.Па словах Уладзiмiра Гусакова, створаны прататып новага вакцыннага прэпарата. Наперадзе даклiнiчныя i клiнiчныя выпрабаваннi вакцыны. I, магчыма, у наступным годзе прафiлактычны сродак ад COVID-19 беларускiх распрацоўшчыкаў будзе выкарыстаны для масавай вакцынацыi насельнiцтва.
— Мы ствараем зараз цэнтр вiрусалогii, — расказаў Уладзiмiр Гусакоў. — Вакцына — гэта толькi адзiн прадукт. Мы не ведаем, што чакае ў будучым: гэты вiрус будзе муцiраваць або з’явяцца больш жорсткiя, агрэсiўныя штамы. Мы ствараем матэрыяльную базу i кадры адначасова, каб быць гатовымi да распрацоўкi найноўшых вакцын у выпадку небяспекi за вельмi непрацяглы час, — удакладнiў Уладзiмiр Гусакоў.
У чэрвенi вучоныя Рэспублiканскага навукова-практычнага цэнтра эпiдэмiялогii i мiкрабiялогii вызначылi тып вакцыны i выбралi некалькi варыянтаў, а таксама пачалi тэсцiраваць iх на жывёлах.
У выпадку з каронавiрусам зменлiвасць патагена адбываецца хутчэй, чым чакалi спецыялiсты. Менавiта таму настолькi важная вакцынапрафiлактыка COVID-19. Як расказала «Р» загадчык лабараторыi дыягностыкi ВIЧ i спадарожных iнфекцый РНПЦ эпiдэмiялогii i мiкрабiялогii Алена Гасiч, варыянты каронавiруса будуць з’яўляцца бясконца, пакуль не будзе дасягнуты калектыўны iмунiтэт.
— Для гэтага трэба 60—70 працэнтаў вакцынаваных. Чым больш штамаў узнiкае, тым важнейшая вакцынацыя.
Алена Леанiдаўна лiчыць, што уханьскi штам ужо даўно знiк. Сёння ў нашай краiне цыркулююць змененыя варыянты, у прыватнасцi брытанскi, а нядаўна з’явiўся iндыйскi.
Iндыйскую мутацыю адрознiвае больш эфектыўная здольнасць да распаўсюджвання, у адрозненне ад варыянтаў COVID-19, вядомых раней. Лiчыцца, што высокаму распаўсюджванню гэтага тыпу каронавiруса спрыяюць грэбаванне супрацьэпiдэмiчнымi мерапрыемствамi i iгнараванне вакцынацыi.
— Iндыйскi штам упершыню быў зарэгiстраваны 7 кастрычнiка. I толькi ў маi ён перайшоў у групу варыянтаў, якiя выклiкаюць непакой, — звяртае ўвагу Алена Гасiч. — Усе iснуючыя вакцыны былi правераны на вынiковасць процiдзеяння гэтаму штаму, i працэнт эфектыўнасцi практычна не мяняўся. Калi хварэюць прышчэпленыя, цячэнне хваробы лёгкае. Гэта ў тым выпадку, калi чалавек прайшоў поўную вакцынацыю.
Сёння ў Беларусi вырабляецца расiйская вакцына «Спутнiк V». Магчыма, у блiжэйшы час пачнецца выпуск кiтайскага прэпарата «Sinopharm» для прафiлактыкi COVID-19.
kosiykova@sb.by
